بعض البشر صعب ما نقدر نزعله ~~

بعض البشر صعب ما نقدر نزعله ~~

يا متعب القلب قلي ويش غلطاتي ,,
ان كنت انا اقدر اعدلها .. بعدلها

لاصرت تجهل عناء الدنيا .. وضيقاتي ,,
من دون ماشرح لك اوضاعي تأملها

الوقت ضدي .. حرمني من ملذاتي ,,
والصد بعدك ذبح روحي .. وكملها

لا .. لايغرك كثير الصمت .. وسكاتي ,,
خل المشاعر تقول ( الآآآآه ) وإسألها

يسكني الحب .. واضح من عباراتي ,,
وش عاد لجلك حروفي لو أدللها

عذبني الشوق واسرفت بخيالاتي ,,
روح تحبك دخيلك ليش .. تهملها

ياليتك إشوي تشعر في معاناتي ,,
دنياك يمكن عليك تضيق باكملها

الحزن كنه سفيري في علاقاتي ,,
والهم خيّم على حالي .. وطولها

اغديت دربي وتاهت فيك خطواتي ,,
كل المواعيد مدري ليش تجهلها

سنين احاول وضاعت كل حيلاتي ,,
ماتدري اني ( حياة الذّل ) مقبلها

لاجيتك أسال وادوّر فيك ضحكاتي ,,
كنك تعمد بيديك اليوم .. تقتلها

لا تترك الظن يلعب باحتمالاتي ,,
الكلمه اللي تحزّ بخاطرك .. قلها

تعال شفني وحس بحال لوعاتي ,,
كن الدقايق بدونك عام مطولها

متى التباشير بقدوم ( الغلا ) تاتي ,,
فرحة زماني بشوفك ما تخيلها

خلاص صبري تعدى كل هقواتي ,,
اتعبت نفسي ( اعزيها .. وعللها )

ابيك تنسى وتدمح كل ( زلاتي) ,,
بعض [ندعوك للتسجيل في المنتدى أو التعريف بنفسك لمعاينة هذا الرابط]صعب مانقدر نزعلها

والحين جيتك ابمسح كل غلطاتي ,,
دنياي دونك وربي ماتحملها

تحياتي

مشكور يعطيك العافية

سنين احاول
وضاعت كل حيلاتي
ماتدري اني ( حياة الذّل ) مقبلها

صح لسانك واختيارك
قصيدة جميله جدا
شكرا لك
لك تحياتي
الســـــ ابو صقرـــــــــالمي[ندعوك للتسجيل في المنتدى أو التعريف بنفسك لمعاينة هذه الصورة]