انت ياقلبي لغيري

[ندعوك للتسجيل في المنتدى أو التعريف بنفسك لمعاينة هذا الرابط]انت ياقلبي الغيور

ادري مقصر معاك وفي محبتنا

وادري ما تدرين ليه اسباب تقصيري

لو دام حبك ولو دامت علاقتنا

انا لغيرك وانتي ياقلبي لغيري

لازم نقوي على الفرقا عزيمتنا

لو كان بعدك سبب همي وتدميري

عجزت لا ادبر ظروف تحدتنا

ما قام حظي ولا فادت تدابيري

المجتمع والعوايل غصب حدتنا

ولا انتي اصلن زيادة خير في خيري

ولو ان قربك خطاء يابيض رايتنا

يزيد قدرك غلا من زود تقديري

مادنسك كذب حاسدنا وشامثنا

تبقين ورد العفاف ان زان تفسيري

لكن عزانا على الذكرى و ضيقتنا

هذي حقيقه ولا داعي لتبريري

يا غايتي يوم تنهينا نهايتنا

تعالي اخذي من اوجاعي تعبيري

انا وشعري وصلنا فوق طاقتنا

احزن وحزني يحبونه جماهيري

وفيت وانتي وفيتي مير خانتنا

كل التفاكير واولها تفاكيري

واليوم لدفن بقايا حي ميتنا

ما عاد تحيي معاذيرك معاذيري

بعيش في سكت الذكرى بدايتنا

واسير لاحلامنا وانتي بعد سيري

تذكريني بياض ساد نيتنا

تذكريني ولا يألمك تأثيري

تذكريني وعيشي في محبتنا

تذكريني ولا تطرين ابد غيري

مع السلامه خلص واقع حكايتنا

انا لغيرك وانتي ياقلبي لغيري

وصلت لاخر محطه في سيرتنا

تطول مشاويرك او تقصر مشاويري

عزيزي ابو صقر السالمي
أما عطائك وتميزك الرائع
أنا لاأملك إلا أن أقدم لك باقه من أحرف الشكر والثناء الجزيل
شكرا لك على هذا النشاط
تحياتي وتقديري لك