ريمية تعزف على وتر الغياب في قصيدة تشبه الندى

يا صاحبي ربّعت في جو عَمّان
ما حولك إلا كل طرقا جميله

بالديره اللي جوّها بَرْدْ وامزان
يِحِيي موات القلب بارد هميله

مابين ريفٍ رايف وضول غزلان
بين الدوالي والرموش الظليله

حولك فَرَاش ٍ هايم وليل خدران
واتلى الخبر بك عند شقرا طويله

شقرا تمايل كنها مطرق البان
بين الهوى والشعر يطرق شليله

تزري بشيخ الديِن محمود الايمان
وشلون شاعر ما يخونه صهيله

بالزود كانه شمري حر وحصان
يهوى الطراد ونص ديِنه قبيله

جوّك قصيد وجوي صياح ورعان
يا قبس قلبي قبس راس الفتيله

ودك تجدد سالفة نمر عدوان
يا خوف قلبي لا تزور السبيله

تحوف وضحا عقب حصه مليحان
بالله هَذي يا الخريصي امهيله

تقول انا في داخلي مِنْك زعلان
كثر الحسوف اليوم يسوى قليله

تنسى الدلع والملح ومحصحص الدان
وتنسى النجوم الناعسه بالجديله

لا ياولد يا صاحبي يا كحيلان
(ريميتك) لا رحت يكثر عويله

مشكوووووووووووووووووور على الموضوع المميز
الله يعطيك العافية
ننتظر منك المزيد من المواضيع الرائعة