كيف احبك ؟؟ وليه احبك ؟؟انت اصلا من تكون ؟

انا ادري ياحبيبي من ورى عيني تخون

لا تظن انك مكذب لا تصدقها ظنونك

ومن يقول انا احبك وقلبي عايش لك يصون ؟

انا مثلك يا حبيبي من ورى عينك اخونك

هان قلبي في عيونك وهم بعد قلبك يهون

عشت ايامك بدوني وعشت ايامي بدونك

دامك تسمي الخيانه في ملفاتك جنون

فيني لك مليون جني كلهم والله يبونك

لاتسوي لي حكاية نون ومالا يعلمون

يعني عارف ، يعني فاهم وانت ضايع وسط كونك

كيف احبك ؟؟ وليه احبك ؟؟انت اصلا من تكون ؟

شخص خاين والله باين حط عيني في عيونك

لا تمثل دور عاشق ولا تقول انك حنون

انت قاسي انت ناسي اسأل اللي يعرفونك

او يكونو مثلك انت يكذبون ؟

يذكرونك يفقدونك بالكذب هم يعشقونك

لا تصدقهم وتبكي وفي غيابك يضحكون

لا تأمنهم واحذر قبل لا تبدي طعونك

والله باكر مايفيدك لو بدى وقت الطعون

يطعنونك وانت شايف وانت عايش يذبحونك

والمصيبه بعد موتك بالكذب هم يحزنون

يدفنونك يكرمونك والا يمكن يتركونك ؟؟

هي حياتي وانت كيفك خون لو ودك تخون

بس اعرف شي واحد والله من خنته يخونك

مساء الخير ..

صح لسان من أنشدها .. ومن أطلها ..

نغم مما يتم .. نسجه .. للغه الحب .. هو من يكتبها ..

المفهوم .. والتجرع أحيانـــــاً .. هكذا .. هو .. قد يكون .. كبير ..

لكن .. الجميل .. أن يكون .. للعتاب .. بلاغات .. بين الأسطر ..