جاني خبر وهز القلب دقاته ......

جانـي خبـر وهـز القـلـب ودقـاتـه
يوم قالوا حبيبك مـات والحـق صلاتـه

رحت ودعيـت بصـدق وانـا بصلاتـه
عسى الله يغفر بدعواي ماضـي حياتـه

رفعـت النعـش وعلـى كتفـي ثبـاتـه
وكـل همـي الفـردوس تصبـح جزاتـه

انحنيت عند قبره على ركبتي من غلاتـه
وبكيت والناس يقولون من يسوي سواته

مادروا ان حبيبي تحت التراب اصبح مباته
وحبيبـه فـوق التـراب تتثاقـل خطاتـه

اصبحت مجنون مستغرب من الميت سكاته
ينتظـر كلمـة ويمسـح لأجلهـا دمعاتـه

وسألت النـاس وش هـو سبـب وفاتـه
واستغربوا وقالوا من تكون انت بحياتـه

قلت انا من كـان نبـض قلبـه ودقاتـه
وزارع الشـوق فـي قلبـه ونبضـاتـه

وصديت وقلت ليتني ميـت مـع مماتـه
واشوفه محشورمع الحورعند ربي بجناته

ياقبر اعز انسان غالي رقد فيك
خفف عليه مـن الـتراب الثـقيلي

ياقبر ماني طيب عـقب راعيك
اللي رعاني وصار عنـدك نزيلي

اغـليك انا ياقـبر مـن حب غاليك
مرحـوم ياراعي الـوفى والجميلي

ياللي سكـنت القـبر صوتـي يناديك
موتك جــرح قلبي وهـديت حيلي

ما انسـاك ليــن قبــري يـوازيك
واعلن مــن الدنيا العريضه رحيلي

واشق جيبي كلما حل طاريك
كنت افتكر عمرك معانا طويلي

يبكي عليك البيت من عرض اهاليك
ليا دخـلـت البيـت دمـعــي يـسيـلي

الله يعطيك العافيه
كل الشكر والتقديرلك