من روائع الشاعر الرقيق الحزين

برد المكاتيب

هبت جنوب وطاح برد المكاتيب

ويا كثر ما هب الجنوب وذكرته

يملا حضوره من حضوري وانا اغيب

وياما غيابي في غيابه حضرته

انا جا مطر صارت له اضلوعي اشعيب

وان راح ريح (ن) طير الي بذرته

طال السكوت ومال صمتي مطاليب

غير الكلام الي وقف وانتظرته

جنبت لو مالي عن الدمع تجنيب

من وين ما صديت فيني شعرته

واصمتي الي صار فعيونهم عيب

واجرحي الي لو فضحني سترته

لي صاحب (ن) يملا كفوفه تراحيب

لولا الحيا من ضحكته ما اعتبرته

يا صاحبي ماهي عليا مقاضيب

عذروبي انك ذخري الي ذخرته

عذروبك انك شوهتك الاكاذيب

عذروبك انك جاك طيب ونكرته

ان جيتني بفراق زود العذاريب

لاجيك انا من زود صبر صبرته

للطير جنحان وريش ومخاليب

لكن يضيع صيدته في غبرته

ومن جزم نفسي يوم صار الردى طيب

حلمي قبل لا يكسرونه ... كسرته

ومن راح مني قلت يا عله مصيب

دورت له عذر(ن) كريم وعذرته

للي ب بعدي انا ماني قريب

اما ربحني ولانا ماخسرته

قلبي خوي مالقلبي معازيب

والي حقرني من رداه احتقرته

رغم الجروح الي بقلبي معاطيب

حبيت كفين الزمان وشكرته

****************************** ****************************** *********

من حنانك يضيق بنا المكان

ضاقت الارض واشتد الزمان
............راح وقت الهموم الشاعريه
من فقدتك وانا ماني بأمان
...............والقصايد ماعادت منبريه
كنت اجيلك وكان الشعر كان
..............ورد روحي وقلبي مزهريه
اكثري حب واكثرك الحنان
..............وش كثر كانت الدنيا طريه
من حنانك يضيق بنا المكان
...............وين ما أروح القاك اكثريه

عاد باقي .................لي عوده.................القصايد طبعا منقوله

مشكور
الله يعطيك العااافيه

اشكرك كثير
قصيدة جميلة جدااااااا
بارك الله فيك