الشيبه المفا رق

الشيبة فوق السقف يصرخ ينادي *** أين حبيب قلبي أين فؤادي

من حين فارقته مانلت سعادة **** ياليت محبوبي فوق القعادة

أقلب أثوابه وأجلس أشمه **** ياليت محبوبي جنبي أضمه

لما أذكر المحبوب الدمعة تنطف *** والجسم يتألم والقلب يرجف

لاقات سلاني ولا السيجارة **** والحسرةباين في الخدود أمارة

ثلاجة الشاهي صبي وهاتي **** أنت سلى عمري أنت حياتي

وجودي وجود اللـي تغـرّب وهـو مجبـور
يتيم (ن ) ورث من شايبه مـا نهـب عمّـه
وحيد (ن ) ورى رزقه يسوق القـدم مقهـور
تحمّل ما جاه امـن المذلّـه ( لعيـن امّـه )
تبهذل .. وحاله صار مـن غربتـه مدمـور
وبسمتـه .. حرّمهـا زمانـه علـى فـمّـه
وبعد ما لقاله خير .. عـوّد وهـو مسـرور
يبي يفـرح امّـه .. يومهـا شايلـه همّـه
ولكن .. تمنّى انّه قبـل مـا يجـي مقبـور !
بعد مـا لقالـه صدمـة (ن) فـوّرت دمّـه
لقى ربعه تشـلّ اللحـد .. والقبـر محفـور
نشدهم ؟ من الميّـت ؟ ولحـد التفـت يمّـه
وقبر معهم الميّت ما يـدري عـن المستـور
يبا الاجر .. وقـد ودّه يشـارك بنـي عمّـه
وبعد ما اقبرو .. ؟ قالو له : انّ الزمان يدور
وربّـي عضيـم .. يطـوّل العمـر ويتـمّـه
وترى امّك هي اللي فـ/ القبر واصبر وماجور
ولا تعـارض الاقـدار لا صـار لـك ذمّــه
هذا هو توجّادي يا ( ابـو محمّـد ) المنعـور
على اللي هلـه مـن فتنتـه فيـه مهتمّـه
يا سبحان ربّي .. كن وجهه يشعشـع نـور
هـذاك اتحـدّى لا حـد (ن) شافـه يـذمّـه
عشقته .. ومثلي لا عشق .. ما عشق مغرور
ولا اهمّ شخص (ن) ازعلي مـا هـو يهمّـه
ما جا منّه اقصور (ن) ومنّي ما جاه اقصـور
هو بنظرتـي قمّـه .. وانـا بنظرتـه قمّـه
لكـن الزمـن غـدّار .. والحـظّ يلعـب دور
ونـار المفـارق شبّـهـا نـاقـل النـمّـه
احسبنّي ابسلـى لا منّـي خذيـت شهـور ؟
اثر عادني ببطـي .. وحزنـي علـى متمّـه
ذا حال (المفارِق ) كنه يا صاحبـي مسحـور
ما يمسي قبل يروي بـ/ دمعه طـرف كمّـه
ومن جرّب الفرقا .. ما يحتـاج لـه دكتـور
دواه الصبـر .. ولـو كثـر همّـه وغـمّـه