وحدتي ياخيمتي وإحنا لها عمدان

وحدتي ياخيمتي وإحنا لها عمدان
من تهرج واهترج بنصفعه في خده

الكلب ينبح ونعطيه المجال أحيان
وإن تمادى بالنباح الهجمه المرتده

ياعلي جيتك وأنا شبٍ من الشبان
يازعيم رغم عن أنف الحسود ووده

دامنا لأجل اليمن لأرض اليمن شبلان
بتلاقينا رجالك في الرخا والشده

واللي يمد أصابعه في نيته عدوان
مانقص أصابعه إلا نقصص يده

مدري وش اللي غير الموجه على الجنان
هي السفينه واحده بس المواني عدّه

أبحر بها من موطني وأعرس الأوطان
باليماني والفخر والكبرياء ورشده

تاريخنا ماهو مثل بعض العرب يومان
تاريخنا تاريخ لا قبله ولافي بعده

لو غيرنا تشهد له أمه يشهدالقرآن
أن اليمن تاريخها يصعب علينا سرده

من زمن هدهد نبي إلاهنا سليمان
وأمنا بلقيس يوم الأعربي في سده

من زمان معد كرب وإحنا لنا السلطان
من مدينة سام لحدة ضواحي كنده

من قبلنا سن العمار وطاول البنيان ؟
وأرقى حضاره كوخها هدة رياح تهده

من قبلنا زار الرسول وأعلن الإيمان
يوم العرب في طيشها وفي غيّها ممتده

لولا إنهيار السد ومشئية من الرحمن
كان جوازات العرب باسم اليماني وحده


صح لسآن الشآعر

مشكووور على الموضوع الاكثر من رائع
واشكك على تميزك في الطرح