لاشفت صدرك من كثر ضيقته مل
وقامت تراقص وسط راسك شياطين
جهز جوازك والشناط واتسهــل
البخل مايمدح اثنين البخيليـــــن
امش العصير وتبع الموتر الظل
تطلع عليك الشمس في ديرة حسين
نوخ رتابك عند ناس المـــــتبل
وأطل حميسة من مطيعم فلسطين
وعمان حطه في يسارك وكمل
بس إنتبه خطك ترا يصير خطيـن
وإن جيت درعا لاتفيهم تبهـــدل
عطهم وقل أنتم أجواد وكريميــن
وعلى يسارك سوق في مدخله زل
لازم تمره لاتخليه بعـــدين
تلقى لكيف الرأس شي مشكــل
هذا أحمر وهذا أصفر وذاك لونين
منهم تزهب بالزهــــاب المكمل
لاتنقطع وتصير مثل المجانيـــن
واليا دخلت الشام لك دربن يدل
دور على المدعوم خل الضعيفــين
ضبط أمورك وأحلب وحط لك جل
وألبس وسيده لا يسار(ن) ولا يميـــن
على طريق التل تل الخطا تل
دور على جو(ن)يسر المحازيــن
قدامك المجمول والكاس الأشعل
وتبدأ تشوف الناس حولك مساكيــن
ترقا سما سما سما لين توصل
يما تريا والقمر والميازيــــن
وعلى بلاط البست شي(ن) يهول
ظباط هتلر يوم تقسيم برليــــــن
شقر البنات الي زهى ايدينهن دل
عند طول ارقاب روس الشياهـــين
هذي تلاعب شعرهــــا واتمايــــل
وهذي تناظر بك وتسألك من ويـــــن
وهذي حكيها من شفاه مسايــــل
ومن الغنج تحول السين للشــــين
اطلبلها الرشـــاش لا لا تبيخــــل