الله يرحم ذاك الزمان الحرمه فيه مستره . .

هذا زمان المسخره هذا زمان المسخره

جوال ومشيه بفشخره في وسط السوق متبختره
والكحله في وسط العيون والشفايف زود محمره
والصدر تتعمد تكفه تخليه مفتوح ما تزرره

هذا زمان المسخره هذا زمان المسخره

لو يسألها ذاك الفقير وين انتي رايحه يامره
جاه الجواب يبهدله وتقول كلام بيقهره
باروح السوق ابشتري فستان للحفله المزهره
وتروح الصالة كنها عروس مزينه ومعدله ومعطره
وما ترجع إلا في الصباح وتشيل الزينه الساحره

هذا زمان المسخره هذا زمان المسخره

آخر الشهر تقبض الراتب وتروح المجمع وتبعثره
وتعيٌر ذاك الفقير لو إني مثل غيري ما عشت واياك محسره
شوف فلانه وشوف علانه عايشين عيشه ميسره
فله جميله وسياره كشخه ما هو مثلك تركبني سياره مكسره

هذا زمان المسخره هذا زمان المسخره

لين استلمت ذاك التلفون تبمبع مثل البقره
واتحش في الناس هذا طويل وهذا قصير وحكيها كله مسخره
وفلانه اليوم مطلقه وفلان ماتت له مره
وكلامها أصلا ماله أساس بس هذره فاضيه وبربره
والوقت يسرع والهاتف يحسب أمواله تروح مهدره

هذا زمان المسخره هذا زمان المسخره

الله يرحم ذاك الزمان الحرمه فيه مستره
كانت تجلس ويا الأذان وتصلي لله وتشكره
وتدعي للناس الطيبين بنفس طيبه وطاهره

هذا زمان المسخره هذا زمان المسخره

مو مثل بنات هذا الزمن تركب ويه الأجنبي بيدها روج ومنظره
وقصت الشعر أخر موديل كأنها ديك منفوش جناحه وعرعره
والعبايه تحطها على الكتف حتى الشعر ماتستره
ولو تقول لها هذا حرام قالت كلامك كله دندره
كلامك كله ما يعني لي شيء أني فتاه متطوره
لا يخدعونك باسم حضاره هالزمن آخرتها تالي المقبره
وآخر كلامي بالصلاة على النبي واياه العتره الطاهره