احلى قصيدة ( منتديات الجنان )

ما ذبحني غير منهو في الحنايا له قصور

لي على راسي تتوج شخصه ابصدق اعتبار

الصديق اللي اعزه في غيابه والحضور

الحشيم اللي يداريني عن اقوال الصغار

وان حكابي واشي(ن) رد المكيده فالنحور

ما سمع فيني عذولن نيته حرقي بنار

صاحبن ماريت مثله وافين مابه قصور

اتلون بين خلانه ف ليلن او نهار

ما تركني فالنوايب بين حرات الصخور

شتكي من ضيم وجهن كان لي ضي ومنار

صعب تلقالك وليفن صافين لك ما يبور

لحتمى الموقف فزع لازمك لو كنت فقفار

حد م العالم يزين الوقت به فرح وسرور

أسرك يحتل قلبك دونما حرب وحصار

وحد كنه كالجبل بينك وبينه الف سور

في عيونه نظرتن تنبيك عن حقد ودمار

جيتلك لبيت قلبك ما حسبت انك حقور

كل ما اقبلت صوبك جار بركانك وثار

المخوه يا ربيع العمر احساس وشعور

صادقن ماهوب زايف مثل داناتن غزار

لعنبوها من مخوه زانها غي وغرور

ولعنبو نبتن جذوره كذب واثماره شرار

يا خساره خاب ظني واظلمت من بعد نور

دنيتي واصبحت مثل اللي غدا فحال احتضار

جيت لك في كل حايه وافي افكل الامور

واثر طعنات الخيانه وافيه عندك كثار

ابتعد واوعدك ببعد للأسف مابه جسور

خضتها حربك كفايه ومالنا فالحرب كار

شكرا لك يعطيك العافية