اجعل هذي قاعده في نقاشاتك
ما سمعت الشاعر ايش قال:
ومن هاب الرجال تهيبوه.... ومن حقر الرجال فلن يهاب
يعني من احترم الرجال احترموه ومن حقرهم حقروه
واحترام الاخرين ما يمنع انك تخالفهم في الراي
بعض الناس يتصور ان هذا مخالفني يعني ما يحترمني
وهذا خطأ طبعا لان الاختلاف شي والاحترام شي ثاني
ولازم ما نخلط فيما بينهن
واذكر ان الاخ محب الخير قال: الاختلاف في الراي لا يفسد للود قظيه
خلونا نختلف بس يسود بينا الاحترام...
عشان يحترمك الاخرين حط في بالك لما تناقش اي واحد انه ربما يكون اكبر عنك
او اعلم عنك او على الاقل مثلك في المستوى
وهذا مهم جدا حتى يحترمك الاخرين
وحتى لو كان اللي يناقشك اقل عنك حسب ما تفهم من نقاشه
لكن خليك دايما متصور انه مثلك او احسن عنك وكذاك يحترمك
للاسف اغلب الشباب يحطو في بالهم ان اللي يناقشهم اقل عنهم
وانه ما فاهم شي ويتكلمو بهذا الكلام للذي يناقشهم
وهذا سبب الخلافات بين المتناقشين
فعشان تتجنب هذا حط في بالك دايما ان اللي يناقشك مثلك او اعلى عنك
عشان تحترمه وبالتالي يحترمك
ورحم الله رجلا عرف قدر نفسه...
حتى يحترمك الاخرين اذا تبينلك انك غلطان في اي مرحله من النقاش
ما عليك الا تتراجع عن رايك
يتصور البعض ان لو تراجع يعني انه ظعيف
وان اشوفه العكس اللي يتراجع هو القوي
والتراجع ما فيه عيب او منقصه
على العكس هو التصرف الصحيح
وتكبر في عين الشخص الثاني
وكفايه ان الله سبحانه وتعالى قال في كتابه العزيز (والذين اذا فعلوا فاحشة او ظلموا انفسهم ذكروا الله فاستغفروا لذنوبهم ومن يغفر الذنوب الا الله ولم يصروا على ما فعلوا وهم يعلمون)
حتى يحترمك الاخرين لا تتدخل في خصوصياتهم ولا تدخل الامور الشخصيه
يعني خلي الكلام يدور حول نقاط النقاش كما قال وادي فدا بدون شخصنه الموضوع
ما تسير بعيد وتذكر خصوصيات الاشخاص او تدخل امور شخصيه
وانه هذا صفاته كذا وافعاله كذا واقواله كذا....
ربما بدون ما نشعر ندخل على الغيبه والنميمه وحنا ما نحس..
كذالك ما تدخل الامور الشخصيه في النقاش
فلو كان بينك وبين واحد تعرفه خلاف ودار بينكم نقاش في الموقع
لا تخلي الخلافات الشخصيه تتدخل وتفقد المصداقيه
وهذي النقطه اشوف الشباب متفهمينها زين في نقاشهم
بس حبيت ااكد عليها لانها جات على طاري الخصوصيه...
حبايب قلبي اتمنى اننا نناقش هالكلمتين مع بعض
نطرح آراء ونتكلم ولكل واحد فينا وجهة نظر والكل يحترمها
واعذروني بس بزيد شوي في الموضوع
س/ماذا تعني لك الخصوصيه؟ وهل تسمح لاحد بأن يتعدى عليها؟
س/ما هو رأيك في الشخص الي يتعدى على خصوصيات الغير؟
اعتذر عن الاطاله ولكم مني كل المحبه والتقدير
المشاركات
